पढ़िए दीनदयाल बन्दूणी की गढ़वाली गजल- कै छाल चलि गे
कै छाल चलि गे
मठु-मठु करि जिंदगी , पलि छाल चलि गे.
ज्यूकि भूक दिनौं-दिन, छलि-छाल चलि गे..
न सोचू – न गांणू , न जीवन पच्छ्यांणू.
कब क्य ह्वे- कनु ह्वे , तलि छाल चलि गे..
ब्वे-बुबान बतै-समझै , अपड़ौं से बड़ैं रखि.
अपड़ौं खोजदैं बतौं , कैं ढंडी ताऴ चलि गे..
मिन नि कै – तिन नि कै , चल बतौ कैन कै.
ईं अमोल़ जिंदगी कू , करि कुहाल चलि गे..
क्य ! इनीं ह्वे जमना बटि , इनीं चलदु रै.
क्वी न्यऴणू रै , क्वी मालौं – माल चलि गे..
बगत फरि कुछनि जाॅड़ीं , करदा खैंचाताॅड़ीं.
बिगर बतयां-चितयां , बतौ कै छाल चलि गे..
‘दीन’ अरे जमना कन बदले , मिंट – मिटौंम.
हम त तकदै रवां , तु करि बुराहाल चलि गे..
@ दीनदयाल बन्दूणी ‘दीन’
कवि का परिचय
नाम .. दीनदयाल बन्दूणी ‘दीन’
गाँव.. माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य
सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
