पढ़िए दीनदयाल बन्दूणी की गढ़वाली रचना-कुटमदरि
” कुटमदरि “
रऴि – मिऴि , रावा त,
नांगि-कांगि , बंटे जयंद.
दगड़म हो , सयंणु दिल-
बोल्यूं बि , सये जयंद..
कुटमदरिम, रैंण-खांणकु,
रखण पोड़द , बड़ु दिल.
उनबि , जीति – जिंदगी –
ज्यू-माफिक , कख मिल..
रोज़ा क्वी , भलि आदत,
कुटमदरि तैं , उठै जांद.
रोज़ा क्वी , बुरु ब्यसन-
कुटमदरि तैं , डुबै जांद..
छ्वटि-छ्वटि , छ्वीं-बात,
निभांद दगड़ु , जन्मजात.
जैं- कैंम , बोलीं बात की-
रखड़ पोड़द , इजमात..
एका सैर , हैंकु तरि जांद,
हैंका भोऱ , हैंकु बड़ि जांद.
क्वी ल्यांद , क्वी द्यांद-
क्वी कमांद , क्वी खांद..
‘दीन’ कुटमदरि , यींच खेल,
खेल – खेलम , सकि जांद.
कुटमदरि दगड़म समजदरि-
यांसे पक्कि न्यूं , पड़ि जांद..
कवि का परिचय
नाम .. दीनदयाल बन्दूणी ‘दीन
गाँव.. माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य
सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
