कवि एवं साहित्यकार दीनदयाल बन्दूणी ‘दीन’ की गढ़वाली गजल-कबि-कबि

कबि-कबि

कबि-कबि एक-हैंका धोऽर, आंद-जांद रावा.
अपड़ि खैरी-खुशि-बिपत, सब्यूं सुणांद रावा..

ज्यू हळ्कु ह्वे जांद, सूणीं-सुणैकी क्वी बात,
कबि अपणौं, खांण- पींण फरि बुलांद रावा..

हैंका की भि सूणा, भलि बात- मन म गूणा,
कचर- कचर अपणु राग-भाग, नि गांद रावा..

कै बाता बैऽस- बैऽस करि, कबि नि सुऴझी,
चुप रैकि बि कुछ- कुछ बतौं, सुऴझांद रावा..

आंख-नाक-गिचु-कंदूण, भटिकि जंदी कबि,
सब्यूं कि सूणां-जांणा, सब्यूं बटु दिखांद रावा..

बणु बड़णा खुणीं, बड़ीं सोच- रखण पोणद,
कबि छोटु बड़िक बि, सब्यूं हथ- बटांद रावा..

‘दीन’ ! कखिम क्वी बणू , कखिम क्वी बणू,
सब थैं- सब कु मान- सम्मान, दिलांद रावा..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Prakash

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।