सरूली सुम्याण की अमर प्रेमकथा पर आधारित गढ़वाली रचना

बजदी बांसुरी ——-

बजदी मनम्वोहनि बांसुरी हो ,
बजदी मनम्वोहिनि बांसुरी ।
धकध्याट करदी हाय जिकूड़ी ,
धकध्याट करदी हो ।।

अछैगे घाम रुमुक पडीगे ,
सूणीकि वंसी मन हरीगे ।
माया लगीगे भारी भिजां ही ,
नातू जुणी बिन जाणी पछांणी ।।1।।

बजदी मनम्वोहिनि ———

सूणीकि बंसी बुरांस हेंसिंगे ,
बंसी कि भौण जिकूण्यूं बसीगे ।
चुपचुप देखण लैगीं हिलासी ,
गोप्यूं क जनि रास रसीगे ।।2।।

बजदी मनम्वोहिनि ———–

सों देवतों की वे मा ही जालू,
सों च भुलों की अन भी नि खालू,
भैजी खुजैई की ल्यावा वेथेही ,
ते तेहि अब मी बर बरालू ।

बजदी मनम्वोहनि————–

डांड्यूं का प्वोर कू होला कुजाणी,
जौं मा बसीगे निठूर पराणी ।
आज सरूली ह्वेगे तउंकी ,
जौं की झलक न देखी न जाणी ।।3।।

बजदी मनम्वोहनि————-

————- किरन पुरोहित हिमपुत्री
लेखिका का परिचय —
नाम – किरन पुरोहित “हिमपुत्री”
पिता – श्री दीपेंद्र पुरोहित
माता – श्रीमती दीपा पुरोहित
जन्म – 21 अप्रैल 2003
आयु – 17 वर्ष
अध्ययनरत – कक्षा 12वीं उत्तीर्ण
निवास, कर्णप्रयाग चमोली उत्तराखंड।

Bhanu Prakash

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।