दीनदयाल बन्दूणी ‘दीन’ की गढ़वाली गजल-लेखणु-पढ़णु
लेखणु-पढ़णु
लेखि- पैड़िक – मनखि, उतीरण-ह्वे जांद.
सीखि-सीखी, काम-काजा परवीण-ह्वे जांद..
पढ़णा-लेखड़ा कि बल, क्वी उमर नि हूंदि.
पुस्तैनी हुनर से बि, जिंदगी-उरिण ह्वे जांद..
मनखि-मन कु मालिक, पौछ कखा- कख.
एक जगा रैकि त, अपणु बि-बिरण ह्वे जांद..
दिखे जा त-मनखि बि, कख-इक जना हूंदीं.
क्वी अकल कु-धनी त, क्वी जीरण-ह्वे जांद..
सब्दौ – जोड़-तोड़, करणु बि- नि हूंदु सौंगु.
सब्दौं खेल , मृग- मरीचिका हिरण-ह्वे जांद..
अपड़ि मौजम, कबि निकऴा कुछ खोजम.
अंधेरम बि कखि, उज्यऴा किरण-ह्वे जांद..
‘दीन’ ! लिखड़ वऴौंन त, गरंथ लिखि दीं.
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
आखरी लाईन छूट गयी है. जो निम्न प्रकार है…..
पढ़ण वलौं कु भलु टैम, बितीरण ह्वे जांद..