कवि एवं साहित्यकार दीनदयाल बन्दूणी की गढ़वाली गजल-वर्डसप कि दुन्या

वर्डसप कि दुन्या

वर्डसप कि दुन्यम , कतगा बानी-लिख्वार छन.
क्वी कविता-कानी-चुटकला, क्वी-गितार छन..

क्वी छुयाळ, क्वी भलि-भलि बतौं का फौरवर्डर,
अर् क्वी- कै बि बाता, सटीक-टिप्पणीकार छन..

खुलिक बात-रखणु, सबि बतौं कु स्वाद चखणु,
बाजि-2 सै बात, सै जगा रख्णां-कलाकार छन..

रौजा हिसाब से-बात मिसाणु, नै टौपिक ल्याणु,
अपड़ि बात मनांणा, क्वी इना बि-बख्त्वार छन..

सब लोग-खुला दिला छि, हैंसणु- हसांणु चलद,
म्यार देखणंल-यख, सब्यासबि-खिलक्वार छन..

बग्त देखि-बात कनु, भलु सिखे-भलु जंड़े-जैंद,
उन यख-हम जना, नौसिख्यूं खूब-भरमार छन..

‘दीन’ दिनभर वर्डसप चलै, टैम भलु कटि जांद,
ईं बातम-हम उत्तराखंण्यूं, इकनसि-बिचार छन..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।