पढ़िए दीनदयाल बन्दूणी की गढ़वाली कविता-तेरि-मेरी मन कि बात
1 min read
तेरि-मेरी मन कि बात
मान नि मान हे मनखी, मिं-जणदु मन कि बात.
न लगौ ग्वाया यथ-वथ, कर भितर ह्यन कि बात..
छुयूं-छुयूंम टटोऴि जांदी , हैंका ज्यू भितरै बात.
किलै अजांण बड़दी , जो करि जीवन कि बात..
तेरु काम- कर ठौ- ठंडल , क्यो करदी मर्- मर्.
हमन त पैली देखड़ , नि हो अन-मन कि बात..
अपणु स्वारथ दुन्या देखद, तिन बि देख-देखिले.
धन्य छन ओ लोग, जो करदीं जनजन कि बात..
द्वी कु चार – चार कु आठ , कबि घाट कबि बाढ.
यूंमक न अल़झ्यूं रा , कर अपड़ा पन कि बात..
गरीब का भि ठाट – बाट छन , वेकि दुन्या वींच.
तू बि रा अपड़ौं बीच, छोड़ि-छाड़िदे धन कि बात..
रूखा – सूखा – बूखमा , पल्यां छवां हम जांण.
जड़दा-खूब पच्यड़दा छवां, रूखा पन कि बात..
‘दीन’ अजब-गजब य दुन्या , पलम बदली जांद.
पल म प्रलय ह्वे जांद , कर सन- मन कि बात..
कवि का परिचय
नाम .. दीनदयाल बन्दूणी ‘दीन’
गाँव.. माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य
सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
