पढ़िए भूपेन्द्र डोंगरियाल की गढ़वाली कविता- लाचार च त्यारू गौं
लाचार च त्यारू गौं
भुलाओ उत्तराखण्ड का,
धारा-पन्यारा बिसिकि गीं।
धुर्पली का पाथर रैडिकि,
ज़मीन म खिसिकि गीं।
ल्यो देखो तुम भी देखो,
खण्डहर हुँयीं ये गों की तसवीर।
पिछनै मुड़ी कि द्याखो तुम भी,
अपणी घार-गौं कि फूटीं तकदीर।
दी तुम भी पलायन कैरि ग्यो,
सिकसौर म तड़फ़ी की।
क्या तुमरा पुरण्या खुश होला,
यीं विकास गंगा थैं देखि की। (कविता जारी, अगले पैरे में देखें)
यूँ रुन्दा-चूँदा कूड़ों की फ़िक्र,
क्या अब तुमरा पितृ कारला।
स्वर्ग म बैठ्यां ददी-दाजी,
तुमरा खुशियों का जिक्र कारला।
न भुला न रै ना इन बात नीच,
तु टक लगै कि सूणी जा।
बस्काल म त्यारा पुरण्यो कि,
कूड़ी अब ठन-ठन रुणी चा।
भारै फिर क्वी इन ना बोल्यां,
कि हम पर घरभूत लग्यूं च।
अपणु उत्तराखण्ड थैं बचाणा कु,
म्यारु यो गीत लिख्युं च।
रन्त-रैबार अर खबर-सार त,
फेसबुक ट्वीटर पर मील जान्द।
पर यों टूटीं कुड़ियों थैं भी दगड्यो,
यख तुमरी याद खूब आंद।
हर आण-जाण वला मनख्यूं थैं,
पुछन्द रैंदी ये तुमरी सार खबर।
अफ़सोस च नयूं उत्तराखण्ड म,
लाचार च त्यारु गौं खुश च नगर।
रचनाकार का परिचय
नाम- भूपेन्द्र डोंगरियाल
जन्म स्थान- ग्राम- बल्यूली, जनपद-अल्मोड़ा, उत्तराखण्ड।
वर्तमान पता- आईटीआई कैम्पस, निरंजनपुर, देहरादून।
भूपेन्द्र डोंगरियाल उत्तराखण्ड राज्य सरकार के सेवायोजन एवं प्रशिक्षण अनुभाग में अनुदेशक के पद पर कार्यरत हैं। वर्जिन साहित्यपीठ के सौजन्य से अभी तक उनकी पाँच ई बुक्स प्रकाशित हो चुकी हैं।
मोबाइल नम्बर-
8755078998
8218370117
नोटः सच का साथ देने में हमारा साथी बनिए। यदि आप लोकसाक्ष्य की खबरों को नियमित रूप से पढ़ना चाहते हैं तो नीचे दिए गए आप्शन से हमारे फेसबुक पेज या व्हाट्सएप ग्रुप से जुड़ सकते हैं, बस आपको एक क्लिक करना है। यदि खबर अच्छी लगे तो आप फेसबुक या व्हाट्सएप में शेयर भी कर सकते हो।
Bhanu Prakash
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।
