कवि एवं साहित्यकार दीनदयाल बन्दूणी ‘दीन’ की गढ़वाली गजल-दु-मुख्या
दु-मुख्या
वेन त बड़ै हमु- सबु, बरोबर इक-नसि यख.
हमन बड़ै दे वेकि या, धरोहर कन-नसि यख..
क्वी बढ अगनै-क्वी पिछनै, नि रै सब बरोबर,
बनि-बनी लोगों बीच, सब ह्वीं इक-मिसि यख..
जीव-जंतु, एक-हैंका भरोसु लेकि जींणा छीं,
कैन-कैकू भरोसु तोड़ी, लगै झूटि-भिसि यख..
भैर- भैल्वाण भलु- बड़ी, सब रंदी- देख्यंदीं,
कबि त समणि अदीं, यूँकि चाल दु-मुखि यख..
जीव भी – कना चरेतर कदीं, ईं दुन्यम ऐकी,
समड़ि नी बोलि, पिछनैं कदी खुस-पुसि यख..
मन्खि की चाना, कख बटी- कख पौंछि जांद,
भिंडि खांण-पांणा चाडम, करि-खुद-कुसि यख..
‘दीन’ भलै की बात छोड़ि, बुरैं कु जाप करदीं,
अपड़ौं बीच रैकि बि, बड़ि जंदीं अंड़-कसि यख..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
