गढ़वाली कवि एवं साहित्यकार दीनदयाल बन्दूणी ‘दीन’ की गजल- ल्याखा-पाढ़ा
ल्याखा-पाढ़ासुड़ीं-जड़ीं छ्वीं-बतौंम, द्वी-चार ह्वे जांद.
गुणीं-लिखीं कितब्यूंम, नै बिचार ह्वे जांद..
धरोहर च हमरी, यीं बिट्वाऴा-समाऴा,
नै- पुरणि कितब्यूं से, सै अधार ह्वे जांद..
किताब म अंट- संट, कुछ नी लिखेंदू,
नथर इनु साहित्य, सौंगिसार ह्वे जांद..
जौन कबि लेखु छौ, आज ख्वजेड़्यूं च,
अहा क्य ल्याख, ज्यू तार- तार ह्वे जांद..
हमरि साहित्य की खोज, रोज चल़णीं च,
भलि लिखीं बात, सब्यूं स्वीकार ह्वे जांद..
खूब ल्याखा-किताब छापा, छप्यूं रै जालू,
खरीदि बि ल्या किताब, ब्योपार ह्वे जांद..
‘दीन’ जरा-जरा कैरि, साहित्य अगनै बढलु,
बोल़द रा अपड़ि बोली, अफी प्यार ह्वे जांद..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
आज हम अपड़ा साहित्य थैं पढणा कम छवां, वेक ऊपर बड़ीं सुंदर गजल, जरूर पढा.