दीनदयाल बन्दूणी ‘दीन’ की गढ़वाली गजल-आदत
आदत
सब मेरू-लेख्यूं पढी, मीं नि पैढ़ू-कैकु भी.
ईत रैगे-हमरि सोच, दोष नी ये – वेकु भी..
लेखण- पढ़णा ज्यू चुरै, बत्ता बड़ांयु खूब.
मुखफट ह्वीं आज लोग, क्य बोलू-त्वेकु भी..
भलैं करीं-भूली जांण, बुरैं राखी-गेण बांधि.
मीं नि भूलू-कैकि बात, म्यारु भूलू-हैंकु भी..
मुख समड़ि-भलु बड़ीं,पीठ पिछनै-जी कुछ.
खरि बात- बोलि द्यावा , येकु-वेकु-सेकु भी..
सब्यूं रैजा-अपड़ि ह्वेजा, बात करा मेल की.
आपसदरि-इनि राखा, बोलि सैकु-मीकु भी..
घैर-भैर-खुटु धार, के-बाता का-नखरा अब.
भैर त सब-इकनसी छन, मान रखण-येकु भी.
कुछ-कुछ ध्यान से पढ़दीं, धन्यवाद ऊं सब्यूं.
ओ भलैं ही-द्यखदीं वेम, लेख्यूं हो जै-भैकु भी..
‘दीन’ आदतौं सुधारा, क्या बुरु च-क्या भलू.
दींण चैंद-उतगा ही, हक़ हो जतगा-जैकु भी.
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
