डंडे के बल पर गुलदार के जबड़े से बकरी को छुड़ाने वाले ग्रामीण के साहस पर दीनदयाल बंदूनी की गढ़वाली कविता

मुन्ना रावत

गजब कु साहस भोर्यूं , तेरा ज्यू- ज्यान भुला.
अपड़ा घर बार दगड़, रख अपणु ध्यान भुला..

बालमसिंह जी कु नाती, दयाल जी कु नौनु,
भलि मवा कु नौनु तू , दियूं-भलु ज्ञान भुला..

लौकडौनम घैर ऐ, जिकुड़िम नै स्वींणा सजै,
गोर- बखरा पऴीं, बड़ि- कुटमा शान भुला..

भैरौंगढ़ी कु लाल तू, भैंरौं कु सोटा त्वे दगड़,
बाग दगड़ि लड़ैं करि, बढ़ै सबकू मान भुला..

देवीथान छोड़ , गोरु- बखरौं चराणौ अयीं छै,
मनस्वाग बाघ-द्वाबा लग्यूं, लीड़ौ ज्यान भुला..

बकरी देखी-मारी झपट्टा, झट्ट-दौड़ि वे पैथर,
दाड़ से बाघा छुड़ै, तू छै बड़ू बलवान भुला..

‘दीन’ भैसोड़ा गौंकू बाघ, फसिगे- ज्याऴम,
सरु मुल़क आज तेरू, करणूं गुणगान भुला..

पढ़ें: आदमखोर गुलदार पिंजरे में हुआ कैद, 22 जून को मार डाला था युवक को, ग्रामीणों ने ली राहत की सांस

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।