कवि एवं साहित्यकार दीनदयाल बन्दूणी की गढ़वाली गजल-उर्ययूं काम

उर्ययूं काम

क्वि बि उर्ययूं काम, जब न तब पुर्यये जांद.
ऐंडा- बैंडौं कु, कबि-कबि ऑखि घुर्यये जांद..

पैंसा ह्वे बि- काम कराणम, उन्नीस-बीस हूंद,
कबि प्यार से-कबि डार से, काम कर्यये जांद..

कबि एक- बढि जांद, कबि हैंकु- घटि जांद,
इनि घटत – बढत म, एक – हैंका डर्यये जांद..

बग्त लगद, काम लैन म ल्याण- पुर्याण तक,
जनि- तनि आखिर, बग्त से- बग्त हर्यये जांद..

सबि धांणि- हुंदीं पुर्याणि, बग्त फरी जुटांणी,
कनम सरि-सरि, काम दगड़ि-बग्त चुर्यये जांद..

रोजा खांणि – रोजा कमाणि, रोज – वी धांणी,
कत्गै बि साफ-सफै हो, खैड़ रोज स्वर्यये जांद..

‘दीन’ काम करा रोज, ज्यूम धरा नै- नै बिचार,
नित नै सोचणु-नै करणु, जीवनम हुर्यये जांद..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।