कवि एवं साहित्यकार दीनदयाल बन्दूणी की गढ़वाली गजल- नामदार
नामदार
ऊंची दुकान-फीकू पक्वान, ठिकी ब्वाल कैन.
अपड़ि बात- अपड़ि छांच, अफी छ्वाळ कैन..
बड़ा- बड़ा नौं- का पैथर, यथ- वथ न भाज,
यूंकि पुटिग्यूम-क्य रिटणूं, कब-टट्वाळ कैन..
बल ! सोचि- तोली क्वी बि काम, करण चैंद,
बड़्यां मकानै- बुन्याद, कब- खर् द्वाळ कैन..
नौं हो बड़ू- दरसन छोटु, दीन- दयाल जनु ह्वे,
दीन- धरम नी – क्वी- करम नी, सम्माळ कैन..
यत उनी ह्वे, जनै- जनै कु गै-उनै- उनै कु ह्वे,
जखम गिर-फ्वाण सिर, दगड़म पत्वाळ कैन..
नामदार नि-कामगार बंड़, यीं दुन्यम-रैंण जो,
यख छूटि जांद- जो पैथर, कब- जग्वाळ कैन..
‘दीन’ यख-भजण पोड़द गुरौ सी, जनम लिंदै,
क्वीनि पुछदु- कै थै यख, कब- रंगद्वाळ कैन..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
