कवि एवं साहित्यकार दीनदयाल बन्दूणी की गढ़वाली गजल-मंथा अर मन्खि
मंथा अर मन्खि
जनि बि हो-यीं मंथान्, अपणु-मरम नी छोड़.
कनि बि हो- मन्खिल बि, खटकरम नी छोड़..
सालभरा- बारा मैंनौ, छैइ श्रृतु अंदीं- जंदीं,
मन्खि चल्द चाल, मंथान कै अधरम नी छोड़..
काम- धामा नौ फरि, मन्खि रै- घंघतोळौंम,
मन्खि त बोलद रै, पर मंथान करम नी छोड़..
कबि पांड़ौं रै-समोदर, समोदरम पाड़ बिऴै गीं,
धरती छाति रै-रोज गऴणीं, पर धरम नी छोड़ू..
बदलौ- मन्खि- अर्- मंथाम, सदनि बटि- ह्वे,
मंथान- करम करि, मन्खिल- भरम नी छोड़..
यीं मंथाम्- सदनि बटि, खगन- बगन हूंणू रै,
पर-मंख्यूं नाज-पांणि दींणा, सुकरम नी छोड़..
‘दीन’ सीखा मंथा से, य दींद बिगर मोल-भौ,
दगड़म- दौड़ांणीं बि रैंद, क्वी- घरम नी छोड़..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।
