कवि एवं साहित्यकार दीनदयाल बन्दूणी की गढ़वाली गजल-हम लचार नि छवां

हम लचार नि छवां

हम कुछ बि छवां, पर- लाचार नि छवां.
आजबि अपड़-पर्या फरि, भार नि छवां..

लेन-देन आफत-बिपत, सबकि देखद्वां,
रत कट्वा नि छवां, कैका- घार नि छवां..

कैकु असान, सात जन्म तक नि भुल्दा,
हिकमत हार ह्वे बि, कैका सार नि छवां..

हमन सदनि बटि- दींण सीख, दींदा रवां,
तबित आज हम, कैका दींणदार नि छवां.

बांटि-चूंटी खांणु, हमरु मुल्क्या रिवाज रै,
तिलौं दांणि तक बांट, मतल्बदार नि छवां..

अपड़ा हक-हकूक से, सदनि पिछनै रवां,
भोला-भाला छां, भिंडि सम्जदार नि छवां..

‘दीन’ ! सदनि- दोसरौं पैथर, दौड़दा रवां,
तबी त-मीनत कैरि बि, मालदार नि छवां..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website | + posts

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।

• महान समाज सुधारक, लोकसंस्कृति प्रेमी और जीवट आंदोलनकारी थे 'पहाड़ के गाँधी'
• समाज सुधारक और लोक संस्कृति के संवाहक रहे इन्द्रमणि बड़ोनी (24 दिसंबर जन्मदिवस पर विशेष)
• उत्तराखंड के गांधी स्व. इंद्रमणि बडोनी को समर्पित माधव सिंह नेगी की गढ़वाली कविता
• जन्मदिवस 24 दिसंबर पर विशेषः उत्तराखंड आंदोलन के प्रणेता स्व. इंद्रमणि बडोनी को समर्पित कविता-उत्तराखंड का गांधी