हिमालय दिवस पर पढ़िए गढ़वाली कविताः हिमालै दिवस, लेखक-दीनदयाल बन्दूणी

साक्यूं बटि खणु रैकि, हमरि रक्षा करि तिन,
दग्ड़म- पांणि पिलै, मनख्यूं- बचांदी हिमालै..

रूड़्यूंम सूखि जंदि-धारा-पंदेरा, रौली-गदेरि,
पांणि बगैर- रूखु पड़ि, किलै डरांदी हिमालै..

जब बड़ौं-करि बिणांस हमन, खरड़ि कैं डाॅडी,
बसगाऴ खगन- बगन करि, रुलांदी हिमालै..

सबि कुछू – बरोबरि, खपद जग – जीवन म.
अति सूखु-अति बरखा करि, चितांदी हिमालै..

मेरा उत्तराखण्डै, सीरा- मकोट छै तू हिमालै,
बारा बरसौं म-माँ नंदा देवी, भट्यांदी हिमालै..

‘दीन’ आज त्यारु दिन, रुजि-बुजि मनौंला हम,
सुवेर-उठि, मुखड़्यूं- चलक्वार ल्यांदी हिमालै..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।