कवि एवं साहित्यकार दीनदयाल बन्दूणी की गढ़वाली गजल-भू-कानून
भू-कानून
अपड़ा हक-हकूक कि, आवाज उठौ चल.
भू-कानून कू- हक चैंणू, हल्ला- मचौ चल..
चुप रैंण-सैंणा बगत, अब-कब तलक रौलू,
उठिक-चल-भलिक, सरकारौं झुकौ चल..
प्यार-जग्वाळ की बोली, कैन- कख समज,
बोट की- चोट दे, अब- यूँ चितौ- बतौ चल..
हमर ज्यू-ज्यान-पैचान से जुड़्यूं, भू-कानून,
पुरखौं बटि मिलीं जगा, और्यूं न- बिकौ चल..
बूंण- घैर कखि बि रा, अपड़ पुरखौं से- डैर,
आज- अपड़ि औलादौं, नै बटु – दिखौ चल..
बावन गढ़ौं- बीर, जिया- तीलू जनि सूरवीर,
उत्तराखंड आंदोलन जनि, याद- जगौ चल..
‘दीन’ आज हिमाचल जनु, भू-कानून चैंड़ूंच,
उत्तराखंडा जिकुड़ि झकोळ, सब्यूं चितौ चल..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
