कवि एवं साहित्यकार दीनदयाल बन्दूणी की गढ़वाली गजल-बदलेंदु-बग्त
बदलेंदु-बग्त
सिवऴु सी जमि ग्या, दिल- दिमाग फरि.
बस नि रौ, भैर-भित्रा जऴदि आग फरि..
क्य ब्वन-कैम ब्वन, कुछ नि सोचेंदु किलै,
बोलि दींद फकम, एक – हैंका नाक फरि..
चैना द्वी रोटि- नि मीलदीं, मीनता बिगर,
भरोसु नि रौ, आज अपड़ा हि भाग फरि..
यकुळांस अर स्वारथा बीचम, अटग ज्यू,
धध्यांद रै सरैल, जूं नि रिंगी- कान फरि..
अफ त ठुल आदिम बड़िग्यो , बैठि- बैठि,
कानि-किस्सा गठेद्या, एक-हैंका मान फरि..
एक समड़ीं सि- लगद आज, सरि दुन्या,
कबि रीस भी ऐ जांद, यूंका ये ज्ञान फरि..
‘दीन’ ! यथ- वथा यूँ झमेलौं, छोड़- अब,
अब बग्त च- ध्यान रख, ज्यू-ज्यान फरि..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
