कवि एवं साहित्यकार दीनदयाल बन्दूणी की गढ़वाली गजल-अपड़ा-हाल
अपड़ा-हाल
अपड़ा हाल देखि, ज्यू-ज्यान खिजणूं च.
कोच यो, जो मीं-भलु आदिम बोल़णूं च..
बचपना आंडि- बांडि, बुढापा तक चलीं,
उन मिं क्य छु, मेरु मन अफी जड़णूं च..
आज लोग भलु- भलु, बोल़ण लग्यां छीं,
सूड़ि- सूड़ी ज्यू- परांण, घटणूं- बढणूं च..
अपड़ि बड़ैं सुड़णां, बेचैनि रैंद यूँ कंद्ड़्यूं,
झूठा-मूठा द्वी बोल सूड़ी, छाति तड़णूं च..
कुछ करिक-ज्यू मरि-मरिक, कुछ बड़ेंद,
दिल-दिमाका बड़ु, रूखा दिन कटणूं च..
पैलि अफु- जांणि सम्झिले , तब बिचार,
तेरु सोच्यूं-समझ्यूं, बढणूं- कि घटणूं च..
‘दीन’ मीं- मीं कु ममत्यट , छोड़िदे अब,
क्वी न क्वी- त्वे बि, जचणूं- परखुणूं च..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
