कवि एवं साहित्यकार दीनदयाल बन्दूणी की गढ़वाली गजल-अबकु-तबकु बच्पना

अबकु-तबकु बच्पना

घर भितर घुटि रै आंद, अब जमना बच्चों बच्पना.
मोबैल म गुमसुम रांद, अब जमना बच्चों बच्पना..

दाजी घूगि- घुमदु छौ सरा गौं, कबि- कै जमना,
आज मोबैल खुज्यांद, अब जमना बच्चों बच्पना..

खटुलि तैंणु बांधि, गरजोड़ा लगांदु छौ वे जमना,
अब त उगळ्युं नचांद, अब जमना बच्चों बच्पना..

माटम रबदोऴ्यू, झसक्यूं-रसक्यूं रै तबा बच्पना,
नैं- नैं फैसन दिखांद, अब जमना बच्चों बच्पना..

स्कूला भान- मार खै, उड्यरौं- लुक्यूं रै- बच्पना,
खुस ह्वे- स्कूल जांद, अब जमना बच्चों बच्पना..

कबि- गुलि डंडा इच्चि-दुच्ची, गुच्छी-पिठु ख्याल,
आज- लैपटॉप उठांद, अब जमना बच्चों बच्पना..

‘दीन’ ! अपणा जमना बच्पना, भूलि जा आज तू,
अब हसांद-तब रुलांद,अब जमना बच्चों बच्पना..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Prakash

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।