गढ़वाली साहित्यकार दीनदयाल बन्दूणी ‘दीन’ की गजल

उठा-पोड़

सरा राती- उठा-पोड़ म, जरा बि निंद नि ऐ.
ज्यू-ज्यान बचांणां-दौड़ म, जरा बि निंद नि ऐ..

यो क्यांकु लाॅकडाउन च, जो मची़ं-भगदड़,
यीं मचीं-ढेबर्या सौड़ म, जरा बि निंद नि ऐ..

आक्सीजन-इंजक्सन-दवै, बनि-बनी दौड़,
इनि मचीं दौड़ा-दौड़ म, जरा बि निंद नि ऐ..

दिमाका – चौछोड़ि, अखऴा- चखऴि मचीं,
ईं कुबग्त्या भग-दौड़ म, जरा बि निंद नि ऐ..

आजा कू – दिन कटे, भोऴा कु – सारु नि रै,
जिंदगी अयीं-कै छोड़ म, जरा बि निंद नि ऐ..

घबराट ह्वे जांद , यथ- वथ आंण-जांण म,
ईं मचीं-कुकर्या दौड़ म, जरा बि निंद नि ऐ..

‘दीन’ हे प्रभू , कब कटेल्या-यो बांजा दिन,
डंगरि सी- धरीं मौड़ म, जरा बि निंद नि ऐ..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।