शिक्षिका हेमलता बहुगुणा की गढ़वाली कविता- कुर्ता पैजामू मेरू पेरूं छ
कुर्ता पैजामू मेरू पेरूं छ
बौंल्या मेरू खूब सज्यूं छ
भलू स्वाणु अर प्यारू लग्यौं छ
ब्यौंला देखी खुश ह्वाणा छा।
बै देखिक बात बोल्णांछा।
एक मनखीं तब दौड़ीक आई
ब्यौंला बडू भलू छ भाई
कपड़ी लत्ती बड़ी भली पैरी छ
ब्यौला बड़ू स्वाणु सज्यूं छ
ईनी बडांई चलण लगीं छै
हंसी मखोल भी चलण लगीं छै
तब तक दूसरू मनखी आई
बैन बडांई म इनी छौंक लगाई ।
ब्यौंला तो स्वाणु छदी छ भाई
कुर्ता पैजामूं त मेरू पैराई ।
ब्यौंला तो चाई कतकी सुंदर
अपणी कुर्ता की बडांई कर आई
सुणिक ब्यौंला होई दुःख दाई
सभी म त्वैन मेरी मखोल उठानी
ऐदा बिटी कैकी चीज नी पैर्या
अपणी चीज ही ठीक छ भाई
कवयित्री का परिचय
नाम-हेमलता बहुगुणा
पूर्व प्रधानाध्यापिका राजकीय उच्चतर प्राथमिक विद्यालय सुरसिहधार टिहरी गढ़वाल, उत्तराखंड।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
