दीनदयाल बन्दूणी ‘दीन’ की गढ़वाली गजल-जीवन-दर्शन

जीवन-दर्शन

एक जगा कख, कबि-रुकि पा जीवन.
कबि सुखित, कबि- दुखि रा जीवन..

मस्त तभी-तक, जब तक छौ बचपन.
समझ आई, लुकि – छुपि ग्या जीवन..

समै कि चाल, कबि-करि दींद कुहाल.
कबि – मिलद, कबि – भुकि रा जीवन..

सुख अर शांती, दुयूं – खोजद मनखी.
इनि-उनि बतौं अगनैं, झुकि ग्या जीवन..

एक धांण ह्वे – पूरी, दूजी रै जांद अधूरी.
छोटि-मोटि-इनी बतौंम, मुकि ग्या जीवन..

कबि आंणीं – कबि जांणीं, रैं सब धांणी.
इनि-उनि अऴझनौं म, सुकि ग्या जीवन..

अणमेली-अणकसि, छ्वीं-बतौं थैं सूड़ी.
अऴजि – उऴझि क, चुकि ग्या जीवन..

‘दीन’ ! जांचि- परिखि ले, समै आज कू.
अपड़ौ नजर म, अफी लुकि ग्या जीवन..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Prakash

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।