दीनदयाल बन्दूणी ‘दीन’ की गढ़वाली गजल-ब्यो-काजा लग्न
ब्यो-काजा लग्न
गुम- सुम हुयूं सरग, न बरखणूं- अखरणूं च,
चौदिसौं बुजिना लग्यां, न सरकणूं-फरकणूं च..
दिनम चुड़ापटी घाम, ब्यखुनिदां बादळ घिरीं,
बादळ छीं-कि धुआं, न गड़कणूं- चमकणूं च..
मंथा का इना दंदोऴ-घंघतोऴ, पोरु बटी देखीं,
द्वी घड़ी चैन से-कबरि क्वी, न पोड़णूं-बैठणूं च..
ब्यो-काज ऐं नजीक, लोगों-जिकुड़ि लै झुऱणि,
उनि कोरोना- गिचु खोलि, नचणूं- खेलणूं च..
आजा दिन-चलि ग्याई, भोऴ कुजड़ि क्य होलू,
रोजा नीम-कानून से, जिकुड़ु हिलणूं-डुलणूं च..
कैथैं बरत्यूं-कैथैं घरत्यूं , अपड़ि डैर सभ्यूं लगीं,
क्वी बैंड- क्वी टैंट- हलवै, समझा़णूं-मनाणूं च.
‘दीन’ हे प्रभू बचै दे-निभै दे, सभ्यूंक ब्यो-काज,
बगत आजा देखि-देखि, सरैल डरणूं-कौपणूं च..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
शादी ब्याह के सीजन में नित नये प्रतिबधौं पर लिखी रचना