अन्तर्राष्ट्रीय महिला दिवस पर दीनदयाल बन्दूणी ‘दीन’ की गढ़वाली गजल

ब्यटलौं न दे-लाड-प्यार, सैंति-पाऴी बड़ैं मनखी.
आज हमथैं- ब्यटलौं कि , हर-बात स्वीकार च..

किलै नि सुणे जांदि – मने जांदि, ब्यटलौं बात.
पैड़ि – लेखि बि, किलै- ब्यटलु बण्यूं लाचार च..

उनत बोल़णां कू , बड़ि- बड़ी बात बोलदा छवां.
दुन्यम आजबि, ब्यटलौं फरि हूंणूं अत्याचार च..

बस ! बातौं- ज्यू भ्वरैं – रस्म पुरैं, हूंण लगीं आज.
इन-उना, दिन-दिवस-बार मनांणा हुईं भरमार च..

नारि थैं ! मनखि माना, द्याखा- ब्वाला- बच्यावा.
दगड़्या सी बड़ैं राखा, समै की- इनी पुकार च..

चखुलि सी-उडड़ि द्यावा-फूल सी खिल़ड़ि द्यावा.
बाटौं का बंधन हटावा-मिटावा, इनि मनुहार च..

‘दीन’ ! ब्यटलौं थैं जांणा, कम करि नि द्याखा..
ब्यटलौं की- आस्था भोऽर, जीवन उद्दधार च.

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।