दीनदयाल बन्दूणी ‘दीन’ की गढ़वाली गजल-बचपना दिन

बचपना दिन

छोटमा दिन बि, कन- दिन छा.
अकल-सकल, का ही- बिन छा..

लाड- प्यार भी, करदा छा पर-
उटकरमौं से, सब- खिन्न छा..

कखड़ी – मुगरी, रात्यूंम तोड़ी-
मनखी भेस म, हम- जिन्न छा..

अखोड़ झाड़ी, अफ ले आंणू-
हैंकु लपटांणू , हम – इन छा..

दाजिकु – फट्यूं , कोट पैरीक-
लोगु डरांणौं, बजदा- टिन छा..

कनम हसौंला, कनम डरौंला-
प्यारा सि हम, डौलफिन छा..

गुल्ली-डंडा, गुच्छी खेलणां का-
उस्ताद बड़ा, हम जिन-पिन छा..

देखणा का हम, छ्वटा छा पर-
करदा काम , भिंडि- कठिन छा..

‘दीन’ स्वाचा-द्याखा, बचपन अपणू-
अहा-ओ दिन बि, कन-कमसिन छा..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।