दीनदयाल बन्दूणी ‘दीन’ की गढ़वाली गजल- जीवन कि सच्चै

यूँ आख्यूंन जो देख्याल़, वी च सच्चू.
ज्यूम धरी जो बांच्याल़, वी च सच्चू..

छ्वीं बतौं म-अधा सचै, अधा-मिलै.
जैन जनु-जनु समझ्याल़, वी च सच्चू..

बड़ा-बड़ा अचरज भ्वर्यां छीं , ईं दुन्यम.
जौंक बारम जो सूड़्यांल़, वी च सच्चू..

स्यांणि-गाण्यूंम बीति जांद, या जिंदगी.
जो बड़ैकि-अफ खैयाल़, वी च सच्चू..

समै बड़ू-तड़तड़ू, एक जगा-कख खड़ू.
बगत फरि जो भेट्याल़, वी च सच्चू..

मन कि गांणी कब ह्वे पूरी, रै अधूरी.
जिंदगी जो-अफ जियाल़, वी च सच्चू..

‘दीन’ बड़बड़ांणू-जड़बड़ाणू, छोड़ि दे.
जो सैयाल़ – जो पैयाल़, वी च सच्चू..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।