कवि एवं साहित्यकार दीनदयाल बन्दूणी की गढ़वाली गजल-सुद-मति
सुद-मति
भला करम करा, यो दिखलौ-सब भरम च.
भितनै कुछ- भैनै कुछ, यो त- खटकरम च..
कुकरमी मनखी, भला करम कु ढोंग रचद,
भगवान थैं बि- ठगांद, यो कनु- बेशरम च..
जो द्यखद- दुन्या थैं, क्य- दिखांदी वे थयीं,
वेकु दिल- मयऴु च, दगड़ै कुगऴु- नरम च..
त्यारा ज्यू भितरा भेदौं, वो- प्रभु छऴि ग्या,
तु- ह्वेगे मतलवी, बोल ! त्वे कुछ- शरम च..
त्यार- म्यार ज्यू- भितर, वी प्रभु- बैठ्यूं रैंद,
वी रचद भोग-भाग, देखणूं सब्यूं- करम च..
सुण ! तेरि स्य-बुदि, सुद-मति बि-वेनी रच,
तू जो करदी करम, य-तेरु इम्त्यान-धरम च..
‘दीन’ तु- प्रभु थैं ठगांदीं, किलै वे- बखांदी,
जांणि ले- वे प्रभु, वी- त परमपिता परम च..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।
