कवि एवं साहित्यकार दीनदयाल बन्दूणी की गढ़वाली गजल-एक छौ गांधी

एक छौ गांधी

गांधी जी का तीन बांदर, नि रैग्या अब.
झड़ि को बाघ – बांदरौं थैं, खैग्या अब..

चार-पीढ़ी, इक- सताब्दी भी-नि बीती,
आंधि तूफान सि ऐ, सब- बुगैग्या अब..

ओ बिचार- ओ संस्कार, अब नि राया,
त्रेता युगा धोबि सि, झीस चुबैग्या अब..

शहीदी-त्यागी-बल्दानि, कथा पल्टिक,
दुसमनै- का बीज, दिलम- ब्वेग्या अब..

सुकिला- लारा, मैल- माटू अफ लपोड़ी,
पौडर लगै, वासिंग मसीनम-ध्वेग्या अब..

स्वारथी मनखी- गठ्यांद , नै- नै कानी,
यो-नैं बानी-बीज, को-रोपण-लैग्या अब..

‘दीन’ एक छौ- गांधी, तुमबि- सूणिल्या,
आजादी दिलै, अफ- सुनिंद-सेग्या अब..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।