कवि एवं साहित्यकार दीनदयाल बन्दूणी की गढ़वाली गजल-टेडि खीर
टेडि खीर
यो जीवन समझणु-समझांणु, टेडि खीर च.
जो एक – हैंका काम ऐ- जा, वी सूरवीर च..
बीरौं कि धरति रा, सदनि बटि- भारत भुमि,
बक्त आंण फरि, यख बच्चा- बच्चा वीर च..
उन इनुबि च, लींणंकु अग्नै- दींणंकु पिछ्नै,
यखा हर क्वी मन्खि, भौत बड़ु- ज्ञानवीर च..
हनुमान जी थैं, जाम्वंत न दिलै याद-ताकत,
हमु बि याद दिलावा, कख हमरि समसीर च..
तन- बदन तोड़ी- मीनत कर , गै- जै- बि घर,
जस-सुयसा दौं, सदनि बटि-फुटी तकदीर च..
ऑखा तड़्यां छि-इनै, सारा लग्यां छि कनै,
मुक फेर्यूं- उनै, जनै- बाप-दादौं जागीर च..
‘दीन’ झूटि गांणि-स्याणी, अधीन छवां हम,
नि जंणदा, यो मन परांण- कखा रागीर च.
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
