गढ़वाली कवि एवं साहित्यकार दीनदयाल बन्दूणी ‘दीन’ की गजल-जीव

जीव
हर- जीव दुन्यम, अपणु घर-बार रचद.
एक मनखि च, जो दगड़म संसार रचद..

खांणु – पीणु रैण – सैण, सबी द्यखदीं,
एक मनखि च, जो दगड़म ब्यापार रचद..

हर जीव कि-अपड़ि बोलि, रैन-सैन हूंद,
मन्खि च-दुधबोलि छोड़ी, आडंम्बार रचद..

जीव कि दुन्या बि, कैसे- कुछ कम नीच,
कनम बचण-छुपण, बनि-बनी तार रचद..

बड़चरौं-जलचरौं-नभचरौं, की हूंद दुन्या,
वो प्रभू त सब्यूंम, कुछ नयूं बिकार रचद.

ऊंकि दुन्या- कम नीच, दगड़म जंदीं-रंदीं,
मन्खि त-खालि-पीली कु, अख्त्यार रचद..

‘दीन’ मन्खी अर यूँ जीवौं म, यी फरक च,
ज्यान देकी जीव, मन्खि्यूं अधिकार रचद..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Prakash

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।