पढ़िए साहित्यकार दीनदयाल बन्दूणी की गढ़वाली गजल-रोज़ा उठा-पोड़

रोज़ा उठा-पोड़

रोज़-रोज़ा उठा-पोड़ मा,दिन इनी ठिलेंणा छन.
एक- हैंका दगड़ि, बोलि- चालिक बितेंणा छन..

एक समै छौ, रात-दिन काम-काजे रंगा-दंगौं मा.
पता हि नि लगदु छौ, दिन कनमा कटेंणा छन..

आज ज्वी- क्वी बोलद, चार-धाम घूमि आवा.
क्य ब्वन हमसे द्वार- मोर तक, नि लंघेंणा छन..

हथ-खुटै ना, आंखि-दांत-कंदणूं भि ह्वीं लाचार.
इनम हमरा दिला दरद, कख-कख बटेंणा छन..

खांण- पींणा चीज, सौ छोड़ि हजार मिलदीं.
नकलि दांत-आंतौंन, कख स्वाऴा चबेंणा छन..

न स्यांणि रै-न गांणि रै, न ज्यू-ज्यान खुज्याणि रै.
यीं पापि पुटगि-भ्वना कु, द्वी गफा खयेंणा छन..

‘दीन’ ! तु सुड़ांदिं – आप बीति, याच जग रीति.
आजा – भोऴा – प्रभाता, दिन इनी चलेंणा छन..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website | + posts

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।

• महान समाज सुधारक, लोकसंस्कृति प्रेमी और जीवट आंदोलनकारी थे 'पहाड़ के गाँधी'
• समाज सुधारक और लोक संस्कृति के संवाहक रहे इन्द्रमणि बड़ोनी (24 दिसंबर जन्मदिवस पर विशेष)
• उत्तराखंड के गांधी स्व. इंद्रमणि बडोनी को समर्पित माधव सिंह नेगी की गढ़वाली कविता
• जन्मदिवस 24 दिसंबर पर विशेषः उत्तराखंड आंदोलन के प्रणेता स्व. इंद्रमणि बडोनी को समर्पित कविता-उत्तराखंड का गांधी