कवि एवं साहित्यकार दीनदयाल बन्दूणी की गढ़वाली गजल-नौछमि-नारैंण
नौछमि-नारैंण
नौछमि नारैंण छु मीं, जन्म ल्यूंलु आज.
मना मंसा पूरि करलु, मंग्यूं- द्यूंलु आज..
मिंछु दगड़्यूं-कु दगड़्या, मिन-दग्ड़ु निभै,
दै-नौंण नि मीलि त, च्या-पांणि प्यूंलु आज..
पूरि रात जग्दा रैला, मेरु जल्म तुम मनैला,
तुम दगड़म जग्यूं रौंलू, मीं नी-स्यूलु आज..
सब्यूं दिल म- बस्यूं रैंदु, ग्वाऴ – बाऴु छूं,
घरम जैकी हरेका, ज्यू भितर ज्यूंलु आज..
राधा दग्ड़म-गोपि मेरि, बाटु-देख्णा ह्वाला,
सब्यूं मिललु गाऴा भेंटी, खूब रूंलु आज..
गाऴ-द्वारौं रास-रचलु, इकेकैरी सब्यूं भेंटलु,
गाड-गधेरौं-छ्वाया-पंदेरौं, मुक धूलु आज..
‘दीन’ ! मीं बि सारा लग्यूं, हे कनैया त्यारा,
त्वे थैं देखी- मन म सोची, धन्य हूंलु आज..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
