कवि एवं साहित्यकार दीनदयाल बन्दूणी की गढ़वाली गजल-गूंणि बांदर

गूंणि बांदर

अछे ? रै-होला हम, गूंणि-बांदर पैलि कबि.
सची ? हमरि बि- क्य, पूंछ- रै-ह्वेलि कबि..

सैन्स कि खोज- बड़ि च, कि- हमरु इत्यास,
त्रेता युग-न बांदरौं, फौज बि- देख्वलि कबि..

तब-मन्ख्यूं बदला-काम, गूणि-बांदरौंन करीं,
राम दग्ड़ हनुमान बणि, ज्ञान पै-ह्वलि कबि..

राम जी की मैंमा- अपार, गूणि- बांदरौं तार,
मन्ख्यूं दग्ड़-मिलै, ऊंकि पूंछ हटै-ह्वलि कबि..

मन्खि- बांदरौं मेल रै, जन्म- जन्मान्तर बटि,
रावणा दरबार, हनुमान जी पूंछ-जऴि कबि..

गूणि- बांदरौं पूंछ दगड़ि, लगौ- सदन बटि रै,
कुछ मन्खि बड़ीं, कुछूं पूंछ-नि-निक्ऴि कबि..

‘दीन’ मानिग्यूं, हम रै ह्वला ! गूणि-बांदर कबि,
तबी त पौंछि जंदवां, यथ- वथ बिचऴि कबि..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website | + posts

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।

• महान समाज सुधारक, लोकसंस्कृति प्रेमी और जीवट आंदोलनकारी थे 'पहाड़ के गाँधी'
• समाज सुधारक और लोक संस्कृति के संवाहक रहे इन्द्रमणि बड़ोनी (24 दिसंबर जन्मदिवस पर विशेष)
• उत्तराखंड के गांधी स्व. इंद्रमणि बडोनी को समर्पित माधव सिंह नेगी की गढ़वाली कविता
• जन्मदिवस 24 दिसंबर पर विशेषः उत्तराखंड आंदोलन के प्रणेता स्व. इंद्रमणि बडोनी को समर्पित कविता-उत्तराखंड का गांधी