कवि एवं साहित्यकार दीनदयाल बन्दूणी की गढ़वाली गजल-गाड-गदिनु

गाड-गदिनु

बसगाऴ- बोगदि गाड, गौंक छाल-छाल.
कन करद- स्वीस्याट, गौक छाल- छाल..

गदिनु- बड़ि जांद- गाड, रोलि नी- तरेंदि,
बगि जंदी माछ्यूं फाट, गौंक छाल-छाल..

मैतोड़ा आंदि नौनि, रै जांद- पलि छाल,
काम आंद ज्यूणु-लाठ, गौंक छाल-छाल..

ह्यूंद म आंद- क्वी बरात, रोलि का तीर,
बाजौं- सुड़ेंद घमघ्याट, गौंक छाल-छाल..

रूड़्यूंम ढ़ड-तलौ म, छपतोळा-छपतोळ,
छोटा-छ्वारौं लंगल्याट, गौंक छाल-छाल..

ग्वाद लगै- गैस जळै, माछा- पकड़ी रोज,
गड्याळ-माछौं भिभ्ल़ाट, गौंक छाल-छाल..

‘दीन’ तरि-दार माछौं म, भात-रोटि भिजै,
ददि-दाजी कु लबळाट, गौंक छाल-छाल..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।