कवि एवं साहित्यकार दीनदयाल बन्दूणी की गढ़वाली गजल- छांतु-जांठु-झोळा

छांतु- जांठु- झोळा, अज्यूं बि- बच्यूं चा.
छांतु-जांठा सार, उंदार-उकाऴ चढ्यूं चा..

घर-गौंम छांतु-जांठु हि रैंद, सारू-उनारू,
यूंका भोऽर हि- घाम- बरखा, रौलू तर्यूं चा..

चिट्ट कुर्ता-सुलार-टोप्ला, कंदा झोऴा टांगि,
गौं जांण-जांठु पक्ड़ि, छातु-पैथर टंग्यूं चा..

सड़म-सड़म हिट्णु, जांठु ठुक-ठक्ट्यांणु,
कीणु- पिटंगु जांठु देखि, दूर- भज्यूं चा..

खम-खम खसुणु,टक्टक्म बैठि बीड़ि पींणु,
पाऽड़ि मनख्यूं पछ्याण, इनी-त अज्यूं चा..

घरम-नि लगांड़ि छ्वी, गाऴम टेक्वा टेकी,
छुयूं की रमसांण, मुंडम बिठकु सज्यूं चा..

‘दीन’ ! पांऽड़ा कुछ चीज, अज्यूं-नि बदली,
छांतु-जांठु दगड़ि, झोळा अज्यूंबि लग्यूं चा..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।