कवि एवं साहित्यकार दीनदयाल बन्दूणी की गढ़वाली गजल-बढत-घटत
बढत-घटत
एक बग्त छौ, सबि कुछ- बढदि ग्याई.
इनु बि बग्त ऐ, सबि कुछ- घटदि ग्याई..
पैल्याकु समै, खेति- औलाद सब बढ,
अब कि- औलाद, बस ! सोचदि ग्याई..
पैल्या- ज़रा कमै म, भिंडि कुछ जोड़े गे,
अब का भिंडि पैंसौ म, पेट पळदि ग्याई..
पैलि जनि मौ-मदद, प्यार-प्रेम अब नि रै,
अब नि रै भै-भयात, भितरौं मोरदि ग्याई..
पैल्यकु वो बगत, झड़ि- कख रिबड़ि गे,
अब का बगत थैं, यो मोबैल चटदि ग्याई..
व हैंसी-खिखलाट, अब नि सुड़ेदि कै घर,
अब त घर- घरौंम, यकुल़ांस पसरि ग्याई..
‘दीन’ बग्त ऐगे, तुबि बैठ- कूणा-कुमचेरा,
समै माफिक, कलम- अफी लेखदि ग्याई..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।
