कवि एवं साहित्यकार दीनदयाल बन्दूणी की गढ़वाली गजल- अपणु-बिरणु
अपणु-बिरणु
इनुबि क्या, अपड़ौं से- दूर ह्वे जावा.
दुन्यदरी ईं भीड़ म, कखि ख्वे जावा..
ऑसु बि वख अंदी, जख अपणु हो,
अपड़ौं कि खुचिलि, खूब रवे जावा..
अपड़ौं-दुख देखि, जिकुड़ि कर कटेंद,
बिरड़ौं का- बीच रै, सुनिंद- से जावा..
अपड़ौं न कुछ बोलि, चुप रै- सै लींणूं,
बिरणौं का बीच, उनबि-पिड़ा पे जावा..
अपणु त हत पकड़ि, चुलखंदि ली जांद,
बिरणु कख बोल्द, आवा बैठा-खै जावा..
अपड़ौं क बीच, धराधौंस बि-चलि जांद,
बिरणु, भैर दिला बि-नि बोल्दु-रै जावा..
‘दीन’ सदनि-सुखी न ख्वाजा, दिन-रात,
दुख का अगनै बि, कबि-कबि नै जावा..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
