कवि एवं साहित्यकार दीनदयाल बन्दूणी ‘दीन’ की गढ़वाली गजल-बढ़दि-घटदि हौंस-रौंस

बढ़दि-घटदि हौंस-रौंस

मुंड का बल जल़मि, य ज्वनि बढ़णीं च.
खुटौं बटि बुढ़ापा ऐ, जिंदगी- ढऴणीं च..

मुंड-मुक-बरमंड-पैली ऐ , जीवन देखद,
उनी खुटौ बटि सरैल थक, दे-गऴणीं च..

मठु-मठु करिक, बरसौं तक सरैल बढ़द,
इक-इक दिन करि, ज्वनि कख रुकणीं च..

सालौं-साल घड़ि- घड़ि, यो जीवन बदले,
बरमसि ऋतु जनि, अरकणी-फरकणीं च..

मन्खि सोचद- बणु ह्वेग्यूं , जीवन बढिगे,
जीवना चाल, मठु- मठु पिछनैं चल़णीं च..

समै कि- बिगरैलि चाल, कैल नि- जांणि,
कखि आस जग्णीं, कखि आग धरक्णीं च..

‘दीन’ यख हरेका, अपणु-अपणु समै हूंद,
कैकि हौंस- बढ़णीं, कैकि रौंस- घटणीं च..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Prakash

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।