गढ़वाली कवि एवं साहित्यकार दीनदयाल बन्दूणी ‘दीन’ की गजल- ठक-ठकि
ठक-ठकि
कनि ठकठकि लगदि छै, तब गौं-मुल़क आंणा की.
कनि मरमरि हुंदि छैं, ब्वे क हथा-रोटि खांणा की..
मैना भर पैलि चिट्ठी भेजि, वे दिन घार आंणू छूं,
ब्वे सोचुम-स्वचण लै जांदि छै, भलु पकांणा की..
दिन-राती जग्वाऴ हुंद फारी, अयां पाछ-अवारी,
कन कतमति लगीं रैंदि छै, मिलण-मिलाणा की..
ब्वेकि हथा र्वटि खै-खुद मिटै, अब दगण्यूं बारी,
सांका लगै दगण्यूं,घतासरि ह्वे भेंटण-भेंटांणा की..
चार दिन वलि- पली, ख्वाऴ- द्वारौं घूमि- घामी,
कन छपछपि प्वणद, भुलीं बिसरीं याद पांणा की..
ज्यू बोलद अपड़ौं वार-ध्वार, इनी रौं जल्मभर,
नि चांद भी- सरि-सरि ऐ जांद, घड़ी जांणा की..
‘दीन’ दर्बुधि हमरि रै, जो-बक्तन भैरा रस्ता दिखै,
बक्त बदले- झप-झपि लगिगे, खुद मिटांणा की.
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Prakash
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
भानु बंगवाल
मेल आईडी-bhanubangwal@gmail.com
भानु बंगवाल, देहरादून, उत्तराखंड।
