गढ़वाली साहित्यकार दीनदयाल बन्दूणी ‘दीन’ की गजल-हे प्रभु तू ही तू
हे प्रभु तू ही तूमन्खी ज्यूम – कन रिटदी, कतगै बानी – गाणि.
बिधातन भागम क्या लिख, कैना कुछ नी जांणि..
तेरि रचणा तु-जांणि प्रभु, हमना-कुछ नी जांणि.
यो जीवन ता- इनी रै, बस रै- खांणि – कमांणि..
भिंडी करिक-सुख दींदी , दगड़म कुछ-कुछ रोग.
कुछ दिनौं म ली-बि जांदी, ज्यू कू सोक-बियोग..
ज्वान- जवान नि देखदी, त्यारू कनु- इंसाफ.
नर बांदर – हम छवां प्रभु, करि दे- हमथैं माफ..
मन की पीड़ा-कुमर सी, झस्स्-झसकांद गात.
मन्खि थैं – तू – ली जांदी, रै जंदी – बस याद..
तु औखड़ – तु रौखड़ छै, त्यारु अपणु- बिधान.
खड़ौं का करी- मड़ा तिन, छै सरब- सक्तिमान..
मन्खी क्याच-कुछ भी नीं, इक कागज कू फूल.
उड़ि जांद फुर्र- हवा दगड़ि, चौछोड़ि फैल धूळ.
‘दीन’ मन्खि चा-काठ जनु, चलद-चलै-जैं चाल.
भला- बुरा सब तिनिं बड़ैं, दिन-मैना अर साल..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
प्रभु की अराधना जो हमे इस संकटकाल में हौसला देती है. यही इस रचना में है