गढ़वाली साहित्यकार दीनदयाल बन्दूणी ‘दीन’ की गजल-आस
आस
मेरा ज्यू बतौ, दुखेरु- क्यांकु हूंणी छै.
किलै खमोसि भितनै, क्यांकु रूंणी छै..
यो- अजोक- बिजोक, त्वेकु हि नि ह्वे,
सरि दुन्या- आज, अपड़ौं थैं- खूंणी छै..
जो ऐ-वेन जांण, एक दिन ऐथर-पैथर,
बतौ-यीं रूखि धरती म, क्याकु चूंणी छै..
त्यारु दुख अर म्यारु दुख, ह्वे इकनसि,
किलै खुटि सरै-मुक फिरै, मुक धूंणी छै..
भलै कि आस करि, बुरु-बुरू हि दिखे,
बंदीं- आस, किलै- निरास कै- जांणीं छै..
को घड़ी- भलि आलि, बुरि टलि जाली,
रात-दिन सोचि-सोचि, ज्यू ब्यऴमांणी छै..
निस्सास का अगनैं, बड़ि- बिस्वास प्रभु,
नित- धिरजन बि- त्वी, ऐकि दे जांणीं छै..
‘दीन’ जनु- बीज जनमद, नैं आस लेकी,
देकि सारू , अज्यूं आस भी- जगांणीं छै..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।
