शिक्षिका उषा सागर की गढ़वाली कविता-होळी क तिवार
होळी क तिवारफागुण मैना लग्यु चा
होळी क त्यरी हूणी चा
चौ तरफि ब्वगट्या खुजैएणु चा
अपरा तफरी मच्यीं चा
दगड्युं कि टोली बणणी चा
दारू बोतल ढुंडएणी चा
होळी क त्येरि हूंणी चा
दगड्या इकट्ठा हूंण बैठि ग्यैना
दारू ठुंगार खुज्याण बैठि ग्यैना
ब्वगट्या भी लयूं चा
ब्वगठ्या मरण वाळू सियूं चा
होळी क त्येरि हूंणी चा
लूण मर्च पिस्यूं चा
थकुल भी धर्यूं चा
ब्वगट्या ज्यैन मरण
उ अभि नि अयूं चा
होळी क त्यरि हूंणी चा
दगड्युं कि टोली ऐग्यैना
रंगुल मोळ माटु सी लिपै ग्यैना
होळी क गीत गयैण बैठि ग्यैना
सुणदरा भी ऐग्यैन
ब्वगट्या मरण कि त्यैरी ह्वै ग्याय
मरण वाळू भी ऐग्याय
अछणां मा धर्यीं मौण चा
होळी क त्यरि हूंणी चा
अब ब्वगठ्या मरै ग्याय
बांठि वळु क भीड़ लग ग्याय
भड़ाई ब्वगठ्या बांठि लग ग्यैना
सब्या दगड्या भी ऐग्यैना
लूंण मर्च जु पिस्यूं छ्याई
उ भी लयै ग्याय
अब कछबोळि बणणीं चा
दारू बोतल ख्वलैणी चा
होळी क त्येरि हूंणी चा
अब पियेंण बैठि ग्याय
कछबोळि खयैंण बैठि ग्याय
तैकु स्वाद भी आणं बैठि ग्याय
क्वी इनै क्वी उनै फरकैण बैठि ग्याय
क्या खूब रसांण आणीं च
होळी क त्यरि हूंणी चा
अब तिवार बीत ग्याय
सब्यूं थै होश ऐग्याय
पर सोच मा बैठ्यां छिना
सकल मां बारा किलै बजैना
इतना त हमळ प्यायी नी
फिर रिंग कबलाट किलै हूंणी चा
होळी क त्यरि हूंणी चा
कवयित्री का परिचय
उषा सागर
सहायक अध्यापक
राजकीय उच्च प्राथमिक विद्यालय गुनियाल
विकासखंड जयहरीखाल, जिला पौड़ी गढ़वाल, उत्तराखंड।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।
