कवि एवं साहित्यकार दीनदयाल बन्दूणी की गढ़वाली गजल-सिपै-दादा
सिपै-दादा
हमरि सान-ईमान-गुमान, तुम छवा सिपै-दादा.
बग्त हो-या कुबग्त, देसा-काम अवा सिपै-दादा..
छाति नि झुकि-न झुकलि, कैक अगोड़ि कबि,
देश सेवम सदनि, अग्नै-अग्नै रवा सिपै-दादा..
फींति फरि- फींति लगीं, छाति- मैडल सजीं,
हम खुड़ी त सदनि, सिपै ही छवा- सिपै-दादा..
हमकु रैबार- तुमकु तार ऐ, चम्म ड्यूटि लौटा,
सब छोड़ि- छाड़ी, बैरंग लौटि गवा सिपै-दादा..
नेफा- लद्दाख, पाक- चैना बौडर हो कखि बि,
दौड़िक – चलि ग्यवा, बड़ि – हवा सिपै-दादा..
सुदि नि हूंदू , ब्वे-बाब भै-भैंड़ौं भेटणु-छोड़णुं,
जिकुड़िका- यूँ ऑसूं, सरर् पेग्यवा सिपै-दादा..
‘दीन’ जबबि घार अवा, रम-ब्रांडि दगड़ ल्यवा,
अफ हैंसदै गवा, झांज्यूं-रुलै ग्यवा सिपै-दादा..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
