पढ़िए दीनदयाल बन्दूणी की गढ़वाली रचना-रोज जीवन में नए अध्याय
रोज जीवनम , नै अध्या जुड़द.
रोज नैं- नैं , सिखड़ा कु मिलद.
रोजा हिसाब- निसाब , रोज ह्वे-
रोज ! हर रोजा , भाग खिलद..
नैं दिन – नैं बात , नैं सोच राखा.
अगोड़ि-पछोड़ि, ज्य हूंणूं द्याखा.
ज्यूकी पीड़ा , भोगी – जॉड़ीं –
लिख साका , जरूर ल्याखा..
ज्यूं भितरा- ज्यूं भितर , रै जांद.
भैरा बोल्यूं , जै – कै काम आंद.
भलि हो – बुरि हो , कनिबि हो –
हर बात-रात , क्वी पाठ पढांद..
जो आयी – रायी , वीं त गाई.
खटु- मिठु जनु पै , वी त खाई.
नैं दगड़ि , नैं- पुरणु रऴै- मिसै-
अपड़ ल्याखन , नैं-नवेलु बड़ॉई..
सीखा त , किरमोऴु बि सिखांद.
जाॅड़ा त , परलोक बि जड़ि जांद.
बाजि बाजि , जनि ऐं – उनि गैं-
न अफ च्याता , न हैंका चितांद..
कुछ छन , बरसौं- अरसौं बटी.
रैं इकसर , इकसर ह्वे घटी-बढी.
ये खेला भितर बि , चलणूं खेल-
कबि दिन घटी , कबि दिन बढी..
‘दीन’ घट- बढ , जीवन सार च.
यीं त ! परमेसुरा , मार च.
येक भितर छन , परॉण बस्यां-
यींत हमरि , जीत – हार च..
कवि का परिचय
नाम .. दीनदयाल बन्दूणी ‘दीन
गाँव.. माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य
सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
