कवि एवं साहित्यकार दीनदयाल बन्दूणी की गढ़वाली गजल-ठाठ-बाट
ठाठ-बाट
ठाठ- बाट कि- या जिंदगी, कै घाट ह्वेगे.
रात- दिन दौड़दी जिंदगी, इक बाट ह्वेगे..
खुटि म खुटि धरि, अग्नै बढदि जरा-जरा,
दस कदम पैथर, सोऴा दुनि- आठ ह्वेगे..
समझ कुछ नि आंणी, कनम घर चल़ांणी,
खोखल ह्वेगे सरैल, य खोपड़ि-जाट ह्वेगे..
न- सलांणी सि- रै, न- बंधांणी सि- रै अब,
य- पुरणा जमना कि-सि, निचट राठ ह्वेगे..
घर म बैठी- औनलैन, चल़णूं च सबकुछ,
कन ! अजब- गजबा, बकिबाता ठाठ ह्वेगे..
भरपूर औलाद- आस्ता-बिस्ता, नि रै अब,
मीं-मीं अज्यूं रैगे, बात पीछा मार-काट ह्वेगे..
‘दीन’ बेखबर न रा, दांया-बांया हाण पोड़ी,
कुछ इनु कैर, जो-हर बाता छाळ-छांट ह्वेगे..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
