कवि एवं साहित्यकार दीनदयाल बन्दूणी की गढ़वाली गजल-रुतबा
रुतबाव ! रुतबा-मान-सम्मान, अब कख रैगे.
कैकि – भलै कु- ऐसान, अब कख रैगे..
तेरु कर्यूं- बोल्यूं , त्वेमक हि- रै जालू,
व ! पूछ-गणत-बिज्ञान, अब कख रैगे..
नर-बंदरु दगड़ि, द्यवता बि खूब नचदीं,
व ! झलाक़-ज्यू-ज्यान, अब कख रैगे..
दम-खम वऴी क्वी बात, अब नि सुड़ेंदी,
बड़ा-बड़ा मूछौं कि-सान, अब कख रैगे..
टोपली कु मान-सम्मान, कबि- कनु छौ,
झाणू दग्ड़- टोपली मान, अब कख रैगे..
तीज-त्युवारौं भुड़ि-पकोड़ि, नी भुलेंदी,
व ! ब्यो-पौंणै खान-पान, अब कख रैगे..
‘दीन’ एक लौ-बांणी, नि रौ- जमनु अब,
व ! सब्यूंकु-रखुणु ध्यान, अब कख रैगे..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
