कवि एवं साहित्यकार दीनदयाल बन्दूणी की गढ़वाली गजल- पितरौं-श्राद्ध
पितरौं-श्राद्ध
श्राद्ध ऐगे- श्राद्ध ऐगे, बच्चों मेरी- याद ऐगे.
चार निसरौ-मेरा नवां, निकाऴि खांदा धरेगे..
सालभर म एक दिन, मेरा नवां तुमल मनै,
दिल खोलीक मेरा नवां, अज्यूंबि कख खवै.
ओ रिवाज-ओ मिजाज,अब कख कनै छूटीं-
मवार जब खवांदा छा, गौं भरम सब्यूं छकै..
अब त- रसम सी पुर्यांणु, हमकु- तुमकु रैगे.
श्राद्ध ऐगे- श्राद्ध ऐगे, बच्चों मेरी- याद ऐगे.
चार निसरौ-मेरा नवां, निकाऴि खांदा धरेगे..
बेटि आंदी छै कन!, ददि-दाजी श्राद्ध खांणू,
कैन घ्यू की मांणि, कैन दै कि ठेकी ल्यांणू.
दैल-फैल खूब रांदी, एक आंदु- हैंकु जांदू-
ना खाली कैन आंणू, ना खाली कैन जांणू..
पता नि लगु मेरा नवां, पूड़ी-पकोड़ी को खैगे.
श्राद्ध ऐगे- श्राद्ध ऐगे, बच्चों मेरी- याद ऐगे.
चार निसरौ-मेरा नवां, निकाऴि खांदा धरेगे..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
