कवि एवं साहित्यकार दीनदयाल बन्दूणी की गढ़वाली गजल-अकेलापन
अकेलापन
झिट घड़ी अकेलापन, कन कटणां कु आंद.
जिंदगी सुख- दुख, दगड़म बटणां कु आंद..
अकेल्म रै, याद आंद कबि सुख-कबि दुख,
सुख सुखांद-दुख दुखांद, ज्यू डरणां कु आंद..
दगड़म रैंण- गिजीं जिंदगी, अकेल्म घबरांद,
यो-अकेलापन बि झड़ि, क्य लुटणां कु आंद..
ज्यूम घंघतोळ सी हू़द, जबबि अकेला रावा,
अकेलाम रै-जिया थकथ्याट, घटणां कु आंद..
यीं जिंदगी- सदनि रैं, अजब कानि- किस्सा,
छट्यां माल़म एक- हेकु बि, छटणां कु आंद..
कनि ! उल्टी चाल पकड़, यीं सीधी जिंदगीन,
बुबा थैं- आज द्याखा, नौंनु- डटणां कु आंद..
‘दीन’ अकेलापनै-आदि ह्वेगे, आज औलाद,
भैरा मुल्कौ- देखि, संस्कार- सटणां कु आंद..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
